José Manuel García Moyano

Comeza a traballar en 1988 como montador de longametraxes. Desde entón, ata a data, editou unha vintena de títulos, entre eles “Anochece en la India” de Chema Rodríguez polo que foi galardoado coa Biznaga de Prata á mellor montaxe no 17 Festival de cinema de Málaga en 2014, “Grupo 7” de Alberto Rodríguez, polo que obtivo o nomeamento ao Goya, así como o nomeamento á Medalla do CEC (Círculo de Escritores Cinematográficos). En 2015 obtivo dobre nomeamento nos premios Goya, por “La isla mínima” de Alberto Rodríguez e “Paco de Lucía; La búsqueda” do director Curro Sánchez Varela, e foi galardoado co Goya e a medalla do CEC á mellor montaxe por “La isla mínima”. En 2017 foi nomeado aos Goyas por “El hombre de las mil caras” de Alberto Rodríguez e tamén obtivo o nomeamento ás medallas do CEC.

En 2017 traballa como director de postprodución e xefe de montadores da serie de Movistar+ producida por Atípica Films “La Peste” de Alberto Rodríguez. Foi a primeira serie de televisión española estreada no Festival de cinema de San Sebastián na sección oficial.

Neste momento atópase montando catro novos títulos “Sin aliento” do director romanés Tudor Giurgiu, “Animas” dos directores Laura Alvea e José Ortuño, “Yo, mi mujer y mi mujer muerta” de Santi Amodeo e “522. Un gato, un chino y mi padre” de Paco R. Baños.